TË DREJTAT E MIJA
Avokim për të drejtat politike dhe sociale
E drejta e votës :
Çdo qytetar i Kosovës i cili është i banor i Kosovës por jeton jashtë vendit amë ka të drejtë vote në Kosovë. Komisioni Qendror i Zgjedhjeve ju mundëson qytetarëve të Kosovës që jetojnë jashtë vendit të votojnë përmes postës në zgjedhjet e përgjithshme dhe lokale që mbahen në Kosovë. Për të votuar përmes postës, ju duhet të përmbushni kriteret e zotësisë juridike, të cilat mund t’i gjeni në këtë vegëz. Sidoqoftë, pengesa të ndryshme teknike, administrative dhe ligjore vështirësojnë pjesëmarrjen në zgjedhjet e përgjithshme dhe lokale.
Kosova vetë mund të përfitonte shumë nga vota e diasporës. Do të ishte një votë emancipuese sepse shumica e mërgimtarëve kanë një jetë të pavarur që nuk ndikohen nga politikanët vendorë. Do të ishte një votë emancipuese sepse mund të sjellë në politikën e Kosovës përvojën e demokracive në vendet perëndimore ku jeton shumica e diapsorës. Nga ana e tyre mërgimtarët do të fitonin më shumë besim te shteti që kanë ndihmuar e po ndihmojnë.
Përfaqësimi:
​
E drejta për të zgjedhur, nënkupton edhe të drejtën për t’u zgjedhur. Mirëpo, në rastin e Diasporës tonë, çështja është më e komplikuar. Sipas Kushtetutës së Republikës së Kosovës, neni 45, pika 1 thote: Çdo shtetas i Republikës së Kosovës që ka arritur moshën tetëmbëdhjetë vjeç, qoftë edhe ditën e zgjedhjeve, gëzon të drejtën të zgjedhë dhe të zgjedhet, me përjashtim kur kjo e drejtë i kufizohet me vendim gjyqësor.
​
Përshkak të rolit dhe kontributit të paçmuar që Diaspora ka dhënë dhe vazhdon të jap në vendin amë, si përmes remitencave dhe ndihmës në zhvillimin ekonomik, përfaqësimi i diasporës në institucionet e vendit, është një pikë e rëndësishme. Kosova duhet të trajtojë diasporën si një aset të çmueshëm me potencial të madh të ndryshimeve pozitive dhe agjent të zhvillimit ekonomik dhe shoqëror.
Kartoni Gjelbër:
​
Si mungesë e anëtarësisë së Kosovës në Organizatën e Kartonit të Gjelbër, çdo automjet i huaj që hyn në Kosovë detyrohet të paguajë sigurim kufitar (në hyrje të pikave kufitare) për sigurimin nga autopërgjegjësia. E njëjta aplikohet edhe për veturat me regjistrim të Kosovës të cilat udhëtojnë jashtë vendit. Rrjedhimisht, edhe anëtarët e diasporës kosovare kalojnë nëpër të njëjtin proces.
Ka indikacione se taksimi përmes policës kufitare, është burim i një pakënaqësie të konsiderueshme për diasporën e cila zakonisht e vërshon Kosovën në numra më të mëdhenj dy herë në vit.
​
BSK në bashkëpunim me Ministrinë e Punëve të Brendshme dhe atë të Diasporës duhet që sa më shpejtë të ndjekin hapat për anëtarësim të Kosovës në Kartonin e Gjelbër. Kjo duhet bërë duke ndjekur shembullin e institucioneve të tjera të Kosovës të cilat janë anëtarësuar në organizata ndërkombëtare edhe pse Kosova nuk është anëtare e OKB-së.
Mësimi plotësues:
​
Prej reformave të gjuhës shqipe në vitin 1972 në Kongresin e Drejtshkrimit, gjuha shihet si një mjet kryesor i unifikimit të shqiptarëve. duke e konsideruar diasporën, si shtyllë mbështetëse për zhvillim ekonomik për një kohë të gjatë për vendin tonë, ruajta dhe forcimi i lidhjeve merr mjaft rëndësi. Për këtë, mësimi i gjuhës shqipe, gjeografisë si dhe trashëgimisë kulturore për brezin e dytë dhe të tretë konsiderohet si bazë e forcimit të identitetit shqiptar.
​
Sipas ligjit për arsimin para-universitar, Ministria përkatëse për diasporë ka për detyrë që të ndihmojë në krijimin e kushteve për ruajtjen dhe mësimin e gjuhëve zyrtare të Republikës së Kosovës dhe në gjuhët e komuniteteve tjera në të cilat zhvillohet sistemi arsimor në Kosovë